Natalana nga magabakal ang National Food Authority sang humay sa mataas nga presyo sa probinsya sang Negros Occidental.
Sa interview kay Cherrybeth Gevero, manager sang National Food Authority-Negros Occidental, magabakal ang NFA sang P28 kada kilo sang humay nga clean and dry palay.
Suno kay Gevero, ang moisture content sang palay nga ila baklan ang yara sa 11 tubtob 14 percents.
Ginpahayag man sini nga ang ila buying price ang nakadepende sa prevailing price sa market.
Suno diri kada semana nagalain ang presyo sang NFA nakadepende sa resulta sa ginpatigayon nga survey sa merkado.
Indi makabakal sang wet palay ang NFA bangud wala sila sang drying facility.
Wala naman sila sang control sa presyo sang bugas sa merkado bangud humalin sang ginpasar ang rice tarrification law gindula na ang police power sang ahensya.
Dugang pa sini nga ang P20 tubtob P21 nga presyo sang humay nga pagbakal sang traders break even lamang bangud sa kamahalon sang farm inputs kaangay sang abono.
