Nagamonitor ang National Grid Corporation of the Philippines (NGCP) sa sitwasyon sa karun matapos nga nagdeklarar si President Ferdinand Marcos Jr sang National Energy Emergency.
Sa interview sang Bombo Radyo Bacolod kay Michelle Visera, Public Relations Officer sang NGCP-Negros Island Region, gin-athag sini nga ang kuryente ang nagalabay sa NGCP antes ini ipanagtag sa mga power distributors kaangay sang Negros Power and Electric Corporation (NEPC).
Suno kay Visera bangud sila ang una nga ginalabayan sang kuryente nagabantay sila kag ginasiguro nga available sila 24/7 kag wala sang disruption.
Suno diri, dapat nakahanda sila bisan ano oras sa pagpasulod kag pagdispatch sang kuryente.
Isa man sa ginabantayan sang NGCP amo ang energy consumption kag gina-engganyo gid ang tanan nga magkinot sa kuryente.
Nagpanugyan ini sa tanan nga konsumidor nga limpyuhan ang airconditioner, electric fan kag siguruhon nga hugot ang magnet sa pwertahan sang refrigerator agud indi magdako ang consumption sa kuryente.
Suno diri kun tanan ang nagahimo sang mga ginagmay nga butang sa pagkinot sa paggamit sang kuryente, dako na ini nga butang kun tingubon.
