Ginpahayag sang medical doctor nga indi na dapat kahangaw-an ang Nipah virus nga nagaduging sa karun sa India bangod may mga kaangay nga kaso naman sadto sa Pilipinas.
Sa interview sang Bombo Radyo Bacolod kay Dr Vicente “Itik” Itturiaga, ang Nipah virus, nga nag-originate sa Malaysia, ang isa ka Zoonotic virus nga gina-alegar nagikan sa bats ukon kabug.
Ini ang wala nagalaton paagi sa hangin indi kaangay sa COVID-19, sa baylo, ini ang makalatun lamang paagi sa direct contact kaangay sa laway, balhas ukon higko sang mga infected.
Ini ang makalatun man paagi sa pagkaon sang mga sapat nga infected sa virus.
Ang sintomas ang ginalakipan sang hilanat, nga mahimo magsaka sa pneumonia, encephalitis kag meningitis.
Apang ang incubation period sang virus, ukon ang kalawigon antes maggwa ang sintomas ang nagadangat sa apat tubtob 21 ka adlaw.
Apisar nga indi tuman ka makalalaton nga kaangay sa COVID-19, ini ang may 40 percent tubtob 70 percent mortality rate ukon madamo sa mga pasyente ang nagakapatay.
Suno kay Dr Itturiaga, may 17 ka kaso sang Nipah virus nga narecord sa Sultan Kudarat sadtong 2014.
Pahayag sini nga dapat balikan sang Department of Health kun ano ang mga intervention nga ginhimo sadto agud indi na maglapta ang balatian.
Suno diri, kalabanan nga mga infected sadto ang mga baboy.
Pahayag sang doktor nga sa karun, wala pa sang nahuman nga bakuna batok sa Nipah virus.
