Nagfile ang mga mamalidha sang hagna sa House of the Representatives nga nagapropose sang no-homework policy para sa mga estudyante nagikan sa kindergarten tubtob high school.
Nahibaluan nga si Quezon City Representative Alfred Vargas ang nagfile sang House Bill (HB) No. 3883 nga nagatuyo nga magpahilway sa mga elementarya kag high school students sa homework kun weekends.
Ang bill ang nakabase sa research nagikan sa South Africa nga nagasiling nga ang homework ang isa ka “burden” para sa mga kabataan kag subong man sa mga ginikanan.
Dugang pa sa research, ang homework ang naga-apekto kun kaisa sa pamilya pinaagi sa negative way.
Suno kay Vargas, ang hagna ang nagatuyo nga magprotektar sang physical, moral, spiritual, intellectual kag social well-being sang mga kabataan nga makahatag sa ila sang kahilwayan nga maka-enjoy kun weekend.
Ginpahayag man ni Vargas nga ang Department of Education ang magahimo sang rules kag regulations agud ma-implementar ang layi.
Ang mga maestra nga maga-violate sa layi ang pagapinahan sang 50,000 pesos ukon mapriso sang duha ka tuig.
