Ginpasalamatan man ni Police Col. Leo Pamittan,provincial director sang Negros Occidental Police Provincial Office (NOCPPO), ang kooperasyon sang mga pumuluyo kag kolaborasyon sang mga law enforcement agencies nga nangin malinong kag matawhay ang pagpatigayon sang highlights sang Masskara Festival
Suno kay Pamittan, kaupod na sa ila trabaho nga mga kapulisan ang kakapoy kag ginpasalamatan man sini ang apat ka adlaw nga ginhatag sang regional director sang Police Regional Office (PRO) 6 agud sila ang makapahuway matapos ang pagbantay sa Masskara Festival.
Suno diri, ang Negros Occidental Police Provincial Office (NOCPPO) ang may yara na sang gindihon nga plano sa pagpabilin sang kalinong katawhay sa Masskara Festival antes pa ang bulan sang Oktubre.
Ginpreparahan man nila ang signal jamming nga nagluntad sang Sabado kag Domingo kun sa diin may gingamit man nga alternate communication para sa ila komunikasyon.
Nakahanda naman ang NOCPPO para sa deployment sa selebrasyon sang fiesta minatay.
