Hilway ang tanan nga miyembro sang 1st Platoon, 2nd Maneuver Company sang Regional Mobile Force Battalion – Negros Island Region nga gin-report nga nakaengkwentro sang Communist Terrorist Group (CTG) sa Sitio Kabalagnan, Barangay Lalong, Calatrava, Negros Occidental, June 14.
Santo sa report sang RMFB-NIR, ang personnel gikan sa 1st Platoon, 2nd Maneuver Company ang nakaengkwentro ang rebelde nga grupo samtang ginapatigayon nga security assistance sa Municipal Local Government Operations Officer sang Calatrava.
Matapos makabaton sang report ang Quick Reaction Team (QRT) sang 2nd Maneuver Company, RMFB-NIR, sila ang gilayon nagpadulong sa nasambit nga lugar.
Nagpatigayon ang mga ini sang scouring operations sa encounter site kun sa diin narecover ang bahin sang caliber 5.56 rifle nga ginpaidalom na sa examination kag documentation bilang kabahin sang imbestigasyon.
Ang RMFB-NIR ang nagkoordinar na sa Calatrava Municipal Police Station kag Bravo Company, 79th Infantry Battalion, Philippine Army nga nakabase sa Barangay Tigbon, Calatrava, agud pasanyugon ang seguridad kag mapadayon ang pursuit kag monitoring operations.
