Nagsaka na gid ang numero sang mga democrats nga nagaduso nga mag-withdraw na si US President Joe Biden sa 2024 United States presidential elections.
Sa interview sang Bombo Radyo Bacolod kay Bombo International News Correspondent Romy Niere derekta sa North Carolina, USA, ginatago ni Biden kag wala ginasugid sa mga tawo ang matuod-tuod sini nga health condition.
Indi man luyag sang presidente nga magpaidalum sa independent cognitive kag neurological tests, sa panindugan nga mabaskog pa ini.
Suno kay Niere, nagapanawagan ang mga democrats nga mag-withdraw na lang ini sa presidential elections bangod nga mahina na ini kag mentally unstable na.
Dugang pa nga nagwithdraw naman ang iban nga mga donors ni Biden.
Pahayag ni Niere, 66 percent sa mga democrats ang luyag nga mag-withdraw na lamang si Biden.
Samtang, padayon naman ang pagpangampanya ni former US President Donald Trump kun sa diin mas nagasaka naman ang numero sang mga supporters sini.
