Nagnubo ang numero sang krimen nga narekord sa ciudad sang Bacolod sang tinalikdan nga tuig kun ipaanggid sang tuig 2019.
Sa crime statistics nga ginpagwa sang Bacolod City Police Office, 1, 845 ang kabug-usan nga krimen nga narekord sa ciudad sang Enero tubtub Disyembre tinalikdan nga tuig.
Ini ang mas manubo sang 40.11 percent kun ipaanggid sa 1, 105 crimes sa kaangay nga period sang tuig 2019.
Nagnubo naman sang 35.81 percent ang peace and order index halin sa 1, 536 padulong sa 986; nagnubo sang 61.49 percent ang public safety index halin sa 309 padulong sa 119; nagnubo sang 30.38 percent ang index crimes halin sa 372 padulong sa 259; samtang nagnubo man sang 42.57 percent ang non-index crimes halin sa 1, 473 padulong sa 846 sa amo nga period.
Wala naman sang narekord nga firecracker-related incidents kadungan sang pagsulod sang tuig 2021.
