Completion sang pag-ubra sang cell no. 5 sa sanitary landfill sa Barangay Felisa, Bacolod City, 48% na

Yara na sa 48 percent ang completion sa construction sang cell no. 5 sa sanitary landfill sa Barangay Felisa, Bacolod City.

Suno kay Atty. Allyn Luv Dignadice, officer in charge sang Bacolod Environment and Natural Resources Office (BENRO), ginatinguhaan na sa karun nga mapadali nga matapos ang cell no. 5.

Madumduman nga ang cell no. 4 tubtob na lang kuntani sa Pebrero 2026 apang gin-upgrade ini agud mapalawig pa ang lifespan.

Suno kay Dignadice, ginalauman nga matapos na sa Hunyo ukon Hulyo ang cell no. 5 kag ini na ang ulihi nga cell nga ihamtang sa barangay bangod may yara sang program ang ciudad para indi na kinahanglan magtukod sang landfill.

Ang cell no. 5 construction may yara sang project cost nga P66 million.