Nagdangat na sa anum ang numero sang kumpirmado nga nadulaan sang kabuhi bangud sa makusog nga pagbaha nga gintuga sang makusog nga pag-ulan bangud sa southwest monsoon ukon habagat sa mga rehiyon sa Mindanao santo sa latest nga data sang National Disaster Risk Reduction and Management Council.
Suno sa NDRRMC, apat ka mga persona ang nagkalamatay sa Barangay Pamucutan, Zamboanga City matapos ang isa ka mudslide sang Hulyo 12.
Isa ka bangkay sang 47-anyos nga babaye ang nasapwan nga naga-utaw-utaw sa Pulangi River sa vicinity sang Kabacan, North Cotabato, samtang isa ka 22-anyos nga lalaki ang napatay matapos nalumos sa Damalasak, Pagalungan, Maguindanao del Sur.
Ginaverify pa sa karun sang disaster agency ang duha ka mga ginreport nga nagkalamatay sa Davao kag Bangsamoro regions.
Kabug-usan nga 131,388 nga pamilya ukon 636,110 ka mga persona ang naapektuhan sang mabaskog nga pag-ulan sa Mindanao kasubong man sa Mimaropa kag Central Visayas regions, nga naapektuhan man ni Tropical Depression Butchoy.
