Makabig nga isa ka heroic act ang ginhimo sang isa ka nurse sa nagluntad nga vehicular accident sa Salvador Benedicto sang tinalikdan nga Enero 20, 2026.
Si Cresian Jade Diamante Requina ang isa ka registered nurse nga nagaubra sa Saudi Arabia.
Nagbakasyon lamang siya diri sa Pilipinas sang makadali gani nagplano sila sang iya mga abyan nga magpangape sa DSB kag magligo sa isa ka resort didto sang may nagluntad nga aksidente malapit sa ila.
Sang gintsekyar ni Requina ang sitwasyon, natukiban niya nga may yara pa sang duha ka pasyente sa sulod sang van lakip na didto ang isa ka tigulang nga babayi nga nagapasakit.
Gilayon nga gintsekyar ni Requina ang vital signs sini kag nahibaloan nga naganubo na ang oxygen level sang tigulang.
Gilayon niya nga ginlapatan sang first aid ang tigulang antes pa man mag-abot ang mga rescuer.
Suno kay Requina, sa tumalagsaon nga tion, nagapangduha-duha siya nga magbulig sa kaangay sini nga mga insidente bangud sa kahadlok nga magsala kag madugangan ang dalit sa mga pasyente.
Apang nagapangibabaw ang tagipusuon sa pagbulig sa mga nagakinahanglan.
Mensahe niya sa iya kapareho nga medical personnel nga kun may ikasarang magbulig, indi gid magpangduha-duha nga buligan ang mga nagakinahanglan sang atensyon medikal.
