Ginpagwa na sang Miss Universe Organization (MUO) ang official pageant schedule para sa Miss Universe 2025 sa masunod nga bulan.
Suno sa MUO, maga-umpisa ang pageant activities sa Novemeber 2 kadungan sa pag-abot sang mga kandidata sa nasambit nga pungsod.
Patigayunon naman ang sashing ceremony sa November 5.
Ang pre-pageants activities kalakip na ang Swimsuit Fashion Show sa Nobyembre 14 sa Pattaya, closed-door interview sa Nobyembre 16 sa Bangkok, kag Pre-lims ang patigayunon sa November 19.
Samtang ang coronation event ang hiwaton sa Nobyembre 21 sa Impact Arena sa Bangkok.
Madumduman nga ulihi nga nangin-host ang Thailand sa Miss Universe sang 2018 nga ginkoronahan ang tiglawas sang Pilipinas nga si Catriona Gray.
Subong nga tuig, tinguhaan naman ni Miss Universe Philippines 2025 Ahtisa Manalo nga makuha ang titulo para sa pungsod.
