Nagsaka ang ginapadala nga kwarta sang mga Overseas Filipino workers (OFWs) sang Disyembre 2025, nga nagdala sa kabilugan nga remittances sa bug-os nga tuig sa record nga $35.634 billion, suno sa Bangko Sentral ng Pilipinas (BSP).
Sa datos, nagdangat sa $35.22 billion ang cash remittances para sa nasambit nga bulan, mas mataas sang 4.2 percent kun ipaanggid sa kaangay nga bulan sang 2024.
Nagapanguna ang mga land-based workers ang remittance nga may $2.83 billion, samtang ang sea-based workers may $0.69 billion.
Nagapabilin nga nagapanguna nga ginhalinan sang remittances ang United States nga may 39.7 percent, ginsundan sang Singapore nga nagdangat sa 7.3 percent, Saudi Arabia 6.6 percent, Japan 5.0 percent, United Kingdom kag UAE nga may tag 4.6 percent.
Nagsanyog man ang personal remittances, kalakip ang cash kag in-kind transfers sa informal channels, nga naglab-ot sa $3.892 billion sang Disyembre, nga nagdala sa full-year level sa $36.619 billion, nagtaas sang 3.3 percent halin 2024.
