Lauman ang liwat nga pagsaka sang presyo sang produktong petrolyo sa masunod nga semana.
Suno kay Department of Energy Oil Industry Management Bureau Assistant Director Rodela Romero, santo sa apat ka adlaw nga trade monitoring sang Mean of Platts Singapore, lauman nga magasaka ang presyo sang Gasolina tubtob sa P0.60 kada litro, Diesel sa P0.75 kada litro kag Kerosene sa P1.00 kada litro.
Suno kay Romero, ang oil price increase ang bangod sa pagdagdag sang sanction sang Estados Unidos sa oil companies sa Russia matapos nga wala mangin madinalag-on ang peace talk sa tunga nanday US President Donald Trump kag Russia President Vladimir Putin.
Dugang pa sini, nangin rason man ang malawig nga pagshutdown sang gobyerno sang Estados Unidos sa pagsaka sang presyo sang produktong petrolyo.
