Nakuha sang Oklahoma City Thunder ang kadalag-an sa Game 4 sang National Basketball Association (NBA) Finals batok sa Indiana Pacers.
Nagtapos ang hampang sa score nga 111-104 pabor sa Oklahoma. apisar nga ang hampang ang ginpatigayon sa home court sang Indiana.
Sa interview sang Bombo Radyo Bacolod kay Basketball Analyst Coach Leo Ceralbo, indi mapaktan ang hampang nga basketball.
Pahanumdom sini nga maayo ang hampang sang Indiana sa mga una nga hugnat apang sila ang wala gid makapuntos sa nabilin nga tatlo ka minutos sang game.
Nagdangat naman sa pito ang deadlock ukon tion nga nagpatas ang score.
Indi naman manigar nga best player si Shai Gilgeous-Alexander (SGA) bangod sa mga crucial baskets sini tubtob nga nakatipon sang 35 ka puntos.
Kaun nga 2-2 na ang standing, nagapati si Ceralbo nga magadangat sa Game 7 ang hampang.
Ginakantaw sini nga tinguhaan sang Oklahoma nga makuha ang Game 5, samtang ang Game 6 ang bawion naman sang Indiana.
Nagalaom man si Ceralbo nga bag-uhon ni SGA ang iya nga hampamg sa Game 5, bangod apisar sa 35 sini nga puntos siya ang wala gid bisan isa nga assist ukon wala nagapamasa sang bola sa bilog nga hampang.
