Preparado na ang Olympic Village para sa nagahilapit nga Paris Games kun sa diin naka-set na ang pagbukas sang village para sa arrival sang participating athletes.
Makit-an sa village ang imahe sang ‘The Phryges’ nga amo ang mascot sa games para mag-welcome sa masobra sa 20,000 ka mga athletes nga magapartsisipar sa Olympics kag Paralympics.
Ginalauman naman ang pag-abot sang athletes sa Hulyo 18.
Samtang, ang desisyon naman sang organizers nga indi pagbutangan sang air condition ang village ang ginreklamo sang iban nga delegasyon kun sa diin iban diri ang naghambal nga mabitbit na lamang sila sang ila nga aircon.
Apang, nagpasalig naman si Olympics and Paralympics village director Laurent Michaud, nga may yara sang “on-the-floor cooling systems” para maseguro ang thermal regularity sa housing space.
Ang 2024 Olympics ang patigayunon halin July 26 tubtub August 11.
