Ombudsman Boying Remulla, kumpyansa nga maggwa ang warrant of arrest batok sa mga Senador nga involved sa flood control corruptions sa masunod nga duha ka semana

Kumpiyansa si Ombudsman Jesus Crispin Remulla nga sa masunod nga duha ka semana, magagwa na ang warrant of arrest batok sa mga Senador nga imbolbado sa flood control anomalies.

Suno sa iya, bangud nga nakagwa na ang warrant of arrest ni former Ako-Bicol Partylist representative Zaldy Co, indi malayo nga magwa naman ang iban nga mga warrant of arrest nga imbolbado.

Pila sa mga posible nga malakip sa marelease amu ang warrant of arrest ni former Senator Ramon Revilla bangud sa madugay na ini nga gina-imbestigahan.

Madumduman nga nalakip ang pangalan sang anay Senador sa ginrekomendar sang Independent Commission on Infrastructure (ICI) nga kasuhan sa Office of the Ombudsman bangud sa ginaalegar involvement sa nasambit nga anomaliya.