Welcome para sa Central Negros Electric Cooperative ang paglunsyar ni Bacolod City Mayor Alfredo Benitez sang online desk kun sa diin sarang nga makapadangat sang reklamo ang mga pumuluyo batok sa power distributor.
Nagikan sa kabug-usan nga reklamo, 69.3 percent ang angot sa mataas nga cost sang electricity.
96.3 percent man sang 383 respondents ang nagpahayag nga mabudlay magcontact sa hotline sang CENECO.
Nagdangat naman sa 67 porsyento sang mga respondents ang nagpahayag nga mahapos magbayad sang CENECO bill samtang 33 percent naman ang naghambal nga mabudlay magbayad.
Ang nagapanguna nga mga reklamo amo ang unscheduled brownouts kag naguba nga mga power appliances bangud sa power interruptions.
Suno kay CENECO general manager Ervin Stan Leo Ticar, maayo ang tikang sang alkalde bangud madamo sang issue nga ginahaboy sa electric cooperative.
Suno diri, welcome ang CENECO nga mag-akomodar sa mga grupo nga nagareklamo basta base lang ini sa facts.
Kahapon, nagkatensyon sa tunga nanday Power Watch Negros convenor Wennie Sancho kag Central Negros Electric Cooperative Board of Directors member Eugenio Velasco kadungan sang press conference sa opisina sang CENECO.
Suno kay Ticar, padayunon nila ang kaangay nga pamulong-pulong sa presensya sang media agud maplastar ang kamatuoran.
