Magapatigayon sang administrative investigation ang operator sang modernized jeepney nga ginreklamo bangod sa tuman nga pagpasobra sang pasahero.
Sa interview sang Bombo Radyo Bacolod kay Atty Reuben Sabig, officer in charge sang Bacolod Traffic and Transport Management Department, ginpatawag nila ang MBMJ and UY Transport Services Inc. sa Bacolod City Government Center kapin alas-10:00 kaina sang aga para sa pag-issue sang ticket sa overloading violation.
Nagdungan na lamang sa BTTMD ang Land Transportation Office – Negros Island Region nga nagserbe naman sang show cause order sa management.
Nahibaluan nga ang MBMJ and UY ang may slogan nga “your safety is our priority.”
Suno diri, ang management lamang anay ang gindagdagan sang showcause order sang LTO, apang sa meeting, gipatambong naman sang kompanya ang driver.
Suno diri, sila sa BTTMD ang nag-issue lamang sang penalidad kag naghatag sang warning sa management, samtang ang mga ini ang nagpasalig naman nga sila ang magapatigayon man sang administrative procedure.
