Ginsaylo na ang opisina sang Bacolod Traffic Authority Office sa Barangay Alijis, ciudad sang Bacolod.
Suno kay Bacolod City Administrator Dr. Lucille Gelvolea, ginsaylo ang opisina sang BTAO bangud indi ang mga ini makabutang sang pasilidad kag indi madevelop sang ciudad ang area sa daan nga planta sang softdrinks sa Dalan Lacson bangud pribado ini.
Suno kay Gelvolea, magluwas nga indi sila makadevelop sang lugar, nagabayad pa ang ciudad sang renta nga nagdangat sa P70,000.
Suno kay Gelvolea, ang ciudad ang nagrenta sa Bazket Bacolod sang Setyembre sang tinalikdan nga tuig kag tubtob na lamang ini subong nga Mayo para sa temporaryo nga opisina sang BTAO.
Suno diri, ang ciudad ang mahimo na makadevelop kag makabutang sang pasilidad sa opisina sang BTAO bangud ang lugar ang ginapanag-iyahan na sang ciudad.
Bangud ginapanag-iyahan na sang ciudad ang nahamtang sang BTAO office wala na ini sang bayaran nga renta.
