Ginpasar na sa 1st reading ang ordinansa nga magahatag sang cash incentives sa mga estudyante nga may latin honor sa ciudad sang Bacolod.
Sa interview sang Bombo Radyo Bacolod kay Councilor Jason Villarosa, author sang ordinansa, ang ginaduso ang separado pa sa Pasidungog Ordinance nga nagakilala sa mga dalayawon nga estudyante kag student-athletes.
Suno kay Villarosa, kun mapasar ang ordinansa, ang mga estudyante nga mangin Summa Cum Laude ang makabatun sang P10,000 nga cash incentives; ang Magna Cum Laude ang makabatun sang P5,000, samtang P3,000 naman para sa Cum Laude.
Gialauman sini nga ang ordinansa ang makaduso pa para sa mga estudyante nga mangin mas matutom sa pagtuon.
Apang ini ang yara pa lamang sa 1st reading kag desisyonan pa sang Sangguniang Panlungsod, samtang siya ang magapangayo pa sang suggestions gikan sa stakeholders.
Apang pasalig ni Villarosa nga hinali mapasar ang ordinansa, ini ang makabenepisyo indi lang sa mga estudyante sa public college and universities, kundi subong man sa mga private.
Apang kinahanglan lamang nga may pamatuod nga residente sang Bacolod City kag may ara sang good records sa eskwelahan.
