Ginaduso sang Sangguniang Panlungsod sa ciudad sang Bacolod ang isa ka ordinansa nga magahatag sang libre nga parking space para sa mga senior citizens kag persons with disability (PWD) sa nagkalain-lain nga malls kag establisyemento sa ciudad.
Sa interview sang Bombo Radyo Bacolod kay Councilor Jason Villarosa, ini nga ordinansa ang ginahimo agud makabulig kag makahatag benepisyo sa mga senior citizens kag PWD.
Suno kay Villarosa, napasar na sa bidding stage ang amo nga ordinansa, kag ginalauman nga ini mangin epektibo sa pila ka mga malls sa Bacolod City nga magahatag sang designated kag libre nga parking spaces para sa mga benepisyaryo.
Suno diri, magapatigayon sang hearing upod ang tagdumalahan sang malls kag establisyemento agud matalakay ang implementasyon sang ordinansa.
