P10 nga buhin sa kada litro sa presyo sang krudo para sa mga jeep, ginmando ni PBBM

Gin-anunsyo ni President Ferdinand Marcos Jr. ang pagpatuman sang buhin nga P10 kada litro sa presyo sang krudo para sa mga public utility vehicle (PUV), nga may maximum nga 150 liters kada semana sa sulod sang tatlo ka bulan.

Suno sa presidente, umpisahan ang nasambit nga programa sa National Capital Region sa masunod nga semana kag pasanyugon sa mga masunod nga inadlaw tubtob mapatuman ini sa bug-os nga pungsod.

Suno sa Punong Ehekutibo, ang programa ang kabahin sang pagpaninguha sang gobyerno nga mabuligan ang mga Pilipino ilabi na ang mga labing apektado sang krisis.