Halos indi makapati ag 40 anyos nga major prize winner sang grand draw sang One Two Panalo Part 24 Promo sang Bombo Radyo kag Star FM sa pagdaog sini sang P100,000.
Sa interview sang Bombo Radyo Bacolod kay Jean Carmona sang San Juan Galo St, Brgy 12, Bacolod City, yara ini sa Bacolod City Government Center para magkuha sang iya bonus sang gintawagan siya sang iya amay nga amo ang nagpahibalo sa iya nga nalawagan ang iya pangalagan bilang major prize winner.
Si Carmona nagatrabaho bilang street cleaner sa idalom sang Bacolod Environment & Natural Resources Office (BENRO) samtang ang bana sini nagatrabaho bilang mananagat kag sila may yara sang tatlo ka bata.
Suno diri, ang P100,000 cash prize nga iya nabaton ang iya icapital sa negosyo agud mapadako sini ang iya gamay nga tyangge.
Suno pa diri, ang sobra sa iya kwarta ang tagoon sini para mangin savings.
Dako ang pagpasalamat ni Carmona sa tanan nga sponsors sang One Two Panalo Part 24 Promo ilabi na sa Omega Pain Killer nga gingamit sini bilang proof of purchase.
Nagpasalamat man ini sa Bombo Radyo kag Star FM matapos ini mapilian bilang grand draw winner.
