P15 million ang ginpain sang provincial government nga pondo bilang preparasyon sa pagbakal sang test kits kag iban pa nga kinahanglanon in kaso nga magsulod ang monkeypox sa Negros Occidental.
Suno kay Provincial Administrator Atty. Rayfrand Diaz, ginapreparar na sa karun sang probinsya ang laboratoryo, ang mga staff kag mga kinahanglanon in kaso nga magsulod gid man ang virus.
Suno diri, may ginpain nga P15 million ang provincial government para sa test kits kag nakalinya na sa Research Institute for Tropical Medicine (RITM) para diri.
Ginatumod naman ang mga medical techologists nga igadeploy para sa training.
Madumduman nga una na nga ginmando na ni Governor Eugenio Jose Lacson ang pag reactivate sang Provincial Infectious Disease and Control Council (PIDACC) bilang preparasyon sa posible nga pagsulod sa probinsya sang monkeypox virus suno sa pahayag sa Provincial Health Officer sang Negros Occidental.
