Tuman nga ginkasubo ni Silay City Mayor Joedith Gallego ang pagpanglampos sang bato sa tatlo ka bata nga nagresulta sa pagkapatay sang 9- anyos nga babayi samtang kritikal ang kondisyon sang utod sini nga 14- anyos nga babayi kag 4- anyos nga lalaki sa Hacienda Badiang, Barangay E-Lopez, Silay City.
Suno sa alkalde, ginsulod sang suspek ang balay sang mga biktima kag ginpanglamposan sini sang bato ang tatlo ka mag-ululutod.
Suno diri, ginbawian sang kabuhi ang 9- anyos samtang ginbista naman sini ang pinakamagulang kag pinakamanghod nga utod sa ospital nga sa karun kritikal ang kondisyon.
Luyag ni Gallego nga mahatagan sang hustiya ang tatlo ka mga bata kag mapanabat ang suspek sa ginhimo sini, amo nga nagtanyag ang alkalde sang P25,000 nga padya para sa makahatag sang insakto nga impormasyon sa makatudlo kun sin-o ang may kahimoan sang krimen.
Nagapanawagan ini sa karun sa tanan nga indi magkahadlok sa paghatag sang impormasyon agud mahatagan sang hustisya ang mga menor de edad nga biktima.
