Ginkumpirmar sang gobernador sang Negros Occidental nga mahimo na gamiton sang probinsya ang P50 million nga assistance halin sa Office of the President para sa evacuees sang paglupok sang bulkan Kanlaon.
Sa interview sang Bombo Radyo Bacolod kay Negros Occidental Governor Eugenio Jose “Bong” Lacson nga nabaton na sini ang Deed of Donation nga napirmahan sang magtimbang nga bahin kag ini ang nanotaryahan man gani mahimo na magamit ang nasambit nga pondo.
Suno kay Lacson, ang kwarta sagihapon sang provincial government ang ginagamit sa karun sa pagpakaon sang mga evacuees.
Suno sa gobernador, ang ginagamit sa karun amo ang sobra sang pondo sang probinsya sang nakaligad nga tuig kag ginpakamaayo man sini nga wala matandog ang calamity fund sang provincial government.
Ginpahayag man sini nga ang P50 million nga donasyon ang gamiton sang probinsya para sa Bulkan Kanlaon evacuees agud nga indi na matandog ang calamity fund.
