Padayon nga nagapahanumdom ang Philippine Institute of Volcanology and Seismology (PHIVOLCS) sa mga pumuluyo ilabi na ang yara malapit sa Bulkan Kanlaon nga indi magkampante kag likawan ang pagsulod sa 4km permanent danger zone sang nasambit nga Bulkan.
Sa interview kay Maria Antonia Bornas, pinuno sang Volcano Monitoring and Eruption Prediction Division sang PHIVOLCS, nangin long-term ang unrest sang bulkan kag nangin madugay na ang iya nga build up kag ginalantaw nga magaluntad ang magmatic eruption.
Suno kay Bornas, makusog ang mga parameter sang nasambit nga bulkan kag ini ang ginalakipan sang volcanic earthquakes, wala naganubo nga sulfur dioxide emission, ground deformation kag pila ka mga nagluntad nga moderate explosive eruption.
Suno diri, dapat mangin preparado ang mga pumuluyo nga nagapuyo sa pyroclastic density current (PDZ) hazard zone ingkaso nga ipatuman ang evacuation.
