Makabaton na sang financial assistance ang mga nahalitan sang Bagyo Tino sa probinsya sang Negros Occidental.
Suno kay Negros Occidental Provincial Administrator Atty Rayfrando Diaz, nabaton na nila ang signed copy sang memorandum of agreement nga ginpadala sang Malacañang.
Suno kay Atty. Diaz, walo ka Local Goverment Units sa probinsya ang mahatagan sang bahin sa P50 million nga budget.
Kalakip diri ang La Carlota City, La Castellana kag Moises Padilla nga makabaton sang tig-P10 million.
Madumduman nga ang nasambit nga mga lugar ang kalakip sa mga tuman nga nahalitan sa paglaslas sang Bagyo Tino.
Samtang, ang banwa sang Binalbangan, Bago City kag Hinigaran ang makabaton naman sang tig-P5 million.
Ang banwa sang Pontevedra kag Isabela ang makabaton naman sang tig-P2.5 million nga cash assistance.
Suno kay Atty. Diaz, ang cash assistance nga igahatag sa mga pamilya nga nahalitan sang bagyo ang nakadepende kun totally damaged ukon partially damaged ang ila mga balay kag ang bulig pinansyal ang indi maglapaw sa P5,000.
