Pag-akto sang America bilang “Worlds’s Judge,” wala ginakilala sang China

Wala ginakilala sang China nga may yara sang pungsod nga naga-akto bilang world’s judge”.

Ini ang ginpahayag ni Chinese Foreign Minister Wang Yi matapos nga gin-aresto sang Estados Unidos si Venezuela President Nicolas Maduro.

Suno Kay Wang, wala sila nagapati nga may yara sang pungsod nga mahimo mag-akto nga police sang bug-os nga kalibutan ukon wala man nila ginabaton ang bisan ano nga pungsod nga nagapahayag nga Sila Ang hukom sang bug-os nga kalibutan.

Ini ang ginpahayag ni Wang sa iya Pakistani counterpart Ishaq Dar sa meeting nga ginpatigayon sang Domingo, Enero 4, 2026 kasunod sang developments sa Venezuela apang wala man sini direkta nga gintumod ang Estados Unidos.

Samtang, ginkondenar sang Mexico ang ginhimo nga pag-atake sang US sa Venezuela kag pag-aresto kay president Nicolas Maduro.

Suno kay Mexican President Claudia Sheinbaum, nga indi husto ang pagpanghilabot sang US sa iban nga pungsod.

Sa maragtas sang Latin America ang maathag nga wala sang demokrasya ang anuman nga pagpanghilabot sang iban nga pungsod.

Sa nangin sabat sini sa alegasyon ni US President Donald Trump nga wala sang ginahimo ang Mexico sa pagpakigbato sa drug trafficking cartels, ginpahayag ni Sheinbuam nga nagakooperar sila sa US kalakip na ang humanitarian reasons kag agud nga malikawan ang fentanyl kag iban nga druga nga makasulod sa ila nga pungsod.