-- ADVERTISEMENT --
Apisar nga nagainulan bangud sa Signal No.1 ang ciudad sang Bacolod bangud man sa Bagyong Kristine wala nag-untat ang mga nagainstall sang stage para sa palaabuton nga Food and Music Festival sa Lacson Tourism Strip sa Oktubre 25 tubtob 27 bilang bahin sa selebrasyon sang Masskara Festival.
Apang bangud nagainulan diutay naman ang nagagwa nga mga pumuluyo gani apektado man ang income sang mga nagrenta sang kiosko.
Samtang apisar sini ang mga taxi drivers naman ang makabatak-batak man bisan paano sang ila nga boundary bangud madamo man sang mga tourista ang nagasakay agud nga magpadul-ong sa festival sites kag sa hotel nga ginatiniran sang mga ini.
