Wala nakaupang ang malain nga tyempo sa mga tawo nga luyag saksihan ang madinuagon nga Handog ng Bombo Radyo kag Star FM Dance Showdown sa Masskara Festival 2024.
Nagbundak man ang madamol nga ulan nagbuklad lamang ang tumalan-aw sang dala nga payong kag ang iban ang nagpasilong sa canopy nga ginbutang sang Bacolod Yuhom Foundation sa Bacolod Public Plaza.
Pila sa mga ini ang nakakuha sang ginapanghaboy nga free tshirt.
Wala napunggan sang ulan ang mga tumalana-aw nga nag-enjoy man sa mga pahampang.
Samtang ginpamatud-an naman sang cast sang radio drama nga Toyang Ermitanya ang hambalanon nga “old but gold”.
Makaligad ang pila ka tuig madamo sagihapon ang nagapamati kag nagakalingaw sa pagbangigay ni Tiyoy Tagoy kag Tiyay Albina.
Ang pagpakita sang talento sang mga cast sang Toyang Ermitanya ang isa sa ginbantayan Handog ng Bombo Radyo at Star FM sa Masskara Festival – Dance Showdown competition.
Samtang ang pinakaginkadto gid sang madamo nga audience amo ang performance sang napulo ka dance group nga ginalakipan sang United Dance Troupe, One Industry dance group, Plan B Dance Crew; Buklod Dance Crew; Mongolock; Crazy Beats; Legazy; The merge; United Freestylers; kag Danzakin.
