Magasugod na ang Department of Agriculture sa pagbaligya sang well-milled rice stocks nagikan sa National Food Authority (NFA) sa P33 kada kilo matapos ang deklarasyon sang isa ka food security emergency para sa bugas.
Suno kay NFA acting department manager Roy Untiveros nga ini ang mas manubo sang duha ka pesos sang sa initial target price para sa local government units, iban pa nga ahensya sang gobyerno kag government-owned and -controlled corporations, nga sarang nga makabaligya sa P35 per kilo.
Suno kay Untiveros, ang selling price ang nagnubo agud mafast-track ang release sang NFA rice stocks.
Kinahanglan sang NFA nga marelease ang indi magnubo 150,000 metric tons ukon 150 million kg sang well-milled rice stocks sa masunod nga anum ka bulan.
