Pagbalik ni Nonito “The Flash” Donaire Jr. sa edad nga 42 anyos sa boxing, nangin madinalag-on matapos malutos ang 28 anyos nga Chilean boxer

Nangin madinalag-on nga boxing comeback si Nonito Donaire Jr. sa edad nga 42 anyos kasunod sang technical decision win batuk kay Chilean boxer Andres Campos, 28 anyos sa Casino Buenos Aires sa Argentina.

Sa round 9, nagisi ang kilay ni Donaire bangud sang accidental headbutt nga nangin rason sang paglantaw sang referee sa scorecards.

Apang ginpaboran siya sang tatlo ka mga judges kag ginhatag sa iya ang ninth-round technical decision.

Ang scorecards ang yara sa 88-83, 87-84, kag 87-84.

Bangud sini, nagnami pa ang record ni Donaire sa 43-8 nga may 28 knockouts.

Madumduman nga sang Hulyo 2023, ginlutos siya ni Alexandro Santiago pinaagi sa unanimous decision.