Ginakabig sang Malacañang Palace nga senyales sang maayo nga relasyon sang duha ka pamilya ang pagbisita ni Queen of All Media Kris Aquino kag sang iya mga anak nga sanday Josh kag Bimby kay First Lady Liza Araneta-Marcos.
Suno kay Palace Press Officer kag Communications Undersecretary Atty Claire Castro, apisar nga wala man sang ginpakigbahin nga detalye ang First Lady angot sa ila nga paghinun-anon, nagpakita ang pagbisita ni Kris sang maayo nga relasyon sang magtimbang nga bahin.
Madumduman nga mismo si First Lady Liza Araneta-Marcos ang nagpakigbahin sa iya Facebook page angot sa pagbisita nanday Kris, Josh kag Bimby sang Domingo, Agosto 9.
Ginpahayag nga nagdala ang mag-iloy sang ila nga cake para sa First Lady bilang sorpresa antes ang iya nga kaadlawan sa Agosto 21.
Nagpasalamat naman ang First Lady sa ila nga pagbisita.
