Ginpahayag ni PDP Deputy Secretary General for Visayas Atty Jayvee Hinlo nga indi pa mahambal kun ano ang mangin resulta sang pagpresentar sang video ni Vice President Sara Duterte nga nagpahayag sang iya nabatyag sa presidente, sa asawa sini kag sa anay house speaker.
Madumduman nga ginpakita sa impeachment court ang video nagikan sa USB drive nga gin-submit sang Witness nga si National Bureau of Investigation (NBI) Senior Agent John Mark Calilung nga naga-unod sang video evidence sa fourth article of impeachment (grave threats) batok sa Bise Presidente sa pagmando nga i-assassinate si President Ferdinand Marcos Jr., First Lady Liza Araneta-Marcos kag former House Speaker Martin Romualdez.
Sa interview sang Bombo Radyo kay Hinlo, premature pa kun maghimo na sang conclusion bangod sa trial kahapon ang orihinal nga video may kalawigon nga duha ka oras apang ang ginpresentar yara lamang sa duha ka minutos ang kalawigon.
Suno diri, indi automatic nga batonon gilayon sang impeachment court ang ebidensya bangod dapat pa sigurohon nga indi peke ang video amo nga halongan dapat sang prosecution ang pagtoon sa ginpresenta nga video.
Suno kay Hinlo, mas maayo kun mapakita sang depensa ang bilog nga video para mahibaloan kun betrayal of public trust ukon grave threat ang ginhimo sang bise presidente.
