Naglawig tubtob sa 40 minutos ang pagbuga sang abo sang bulkan Kanlaon kasunod sa nagluntad nga moderate explosive eruption kahapon alas- 4:38 sang hapon.
Sa interview sang Bombo Radyo kay Pearly Sianson, Science Research Specialist sang Philippine Institute of Volcanology and Seismology (PHIVOLCS) Kanlaon Volcano Observatory, naglawig sa duha ka minutos ang pagluntad sang moderate explosive eruption sang bulkan nga ginsundan sang ash emision nga naglawig sa sulod sang 40 minutos.
Suno diri, indi mapaktan kun san-o ang liwat nga paglupok sang bulkan apang may posibilidad nga pagluntad sang eruption samtang nagapabilin sa alert level 2 ang status sang bulkan.
Suno kay Sianson, santo sa ila record ang pinakamabaskog nga paglupok sang bulkan amo ang natabo nga explosive eruption sang Disyembre 9, 2024.
Pahayag sini may yara sang narekord nga Pyroclastic Density Currents (PDCs) ukon ang mainit nga abo kag bato nga nag-ilig sa southern kag southwestern upper slopes nga suno kay Sianson dapat magulu-aligmat sa tion nga magluntad ang pag-ulan nga magadala sang mga volcanic materials papaidalom.
Abiso sini nga likawan ang pagsulod sa 4 kilometer-radius permanent danger zone, magsuksok sang facemask kun may ashfall kag maghalong.
