Ginpahanugutan na sang provincial government ang mga residente sang Mabinay, Negros Oriental nga makasulod sa Kabankalan City santo sa hangyo ni Mayor Pedro Zayco.
Sa interview sang Bombo Radyo kay Governor Eugenio Jose “Bong” Lacson, ginpahayag sini nga pahanugutan na ang mga taga Mabinay nga magsulod sa Kabankalan sa sulod lamang sang 12 ka oras, dapat sakay ang mga ini sang pribado nga salakyan kag dapat may kaangtanan sa commerce kag medical reasons ang tinutuyo.
Suno sa iya, kun maglapaw sa 12 ka oras ang mga ini sa ciudad, ang local government sang Mabinay mismo ang maquarantine sa ila.
Suno diri, kun sa magsulod sa Kabankalan nagikan sa Negros Oriental, may yara gihapon sang border checkpoint kun sa diin pangitaan ang mga magalabay sang ID nga nagapamatuod nga ini ang taga Mabinay kag tsekyaron kun ano ang ila tinutuyo.
Nagapati naman si Lacson nga supisyente na ang 12 ka oras sa pagbyahe kag pagproseso sang mga importante nga buluhaton agud makabalik ang mga residente sa Mabinay.
