Nagapadayon sa gihapon ang pag-ubra sang dike sa pila ka mga suba nga naga-awas nga nagaresulta sang mga pagbaha sa banwa sang La Castellana.
Sa interview sang Bombo Radyo kay La Castellana Municipal Mayor Añejo Nicor, sa karun madalom na ang pila ka mga suba sa nasambit nga lugar kag wala naglab-ot ang baha sa mga panimalay kasunod sa mabaskog nga ulan sang nakaligad nga mga inadlaw.
Suno sa alkalde, ang problema subong sang ila nga banwa ang kulang nga supply kag assistance para sa mga evacuees nga nagapabilin sa gihapon sa evacuation center.
Suno diri, ginahulat pa ang dugang nga budget halin sa national govermerment nga igahatag sa mga pumuluyo.
Dugang pa sini, magapatigayon sila sang meeting sa mga brgy officials upod ang mga councils kag mga opisyales para sa preparasyon sa palaaboton nga mga kalamidad subong nga tuig.
Pahayag sini nga padayon ang pagmonitor sang mga otoridad sa pagpaseguro sang seguridad sa nasambit nga lugar.
