Nagpatigayon sang emergency meeting ang probinsya sang Negros Occidental sa pagpanguna sang Provincial Disaster Risk Reduction and Management Council para sa tinutuyo nga pagdeklarar sang Province-wide State of Calamity.
Yara man sa meeting ang mga personnel sang Bureau of Fire Protection, Philippine National Police, Armed Forces of the Philippines, Philippine Institute of Volcanology and Seismology, mga provincial heads kag pila ka mga concerned agencies.
Sa Resolution No. 11 series of 2024, ginrekomendar ang pagdeklarar sang State of Calamity sa bilog nga probinsya.
Natalana man nga magpatigayon sang special session bwas, para abrubahan ang rekomendasyon.
Sa pahayag ni Negros Occidental Governor Eugenio Jose “Bong” Lacson, madamo sang local government units nga willing magbulig.
Sa pagdeklarar sang province-wide state of calamity, bisan ang indi apektado nga LGUs ang sarang maka-access sang ila quick response fund agud ibakal sang mga mahatag nga bulig sa mga biktima sang paglupok sang Bulkan Kanlaon.
Sa state of calamity, magapatuman man sang prize freeze sa mga basic necessities kag prime comodities.
Sarang man nga mare-allign ang iban nga pondo kun kinahanghlan kag makapatigayon sang alternative mode of procurement.
Samtang ginpanawagan naman ni Lacson sa mga negosyante nga likawan ang pagpamintaha sa tion sang kalamidad.
Ini kasunod sang nabatun nga report sa tuman nga pagmahal sang facemask.
Panawagan sang gobernador nga imbes mamintaha, mas maayo nga buligan ang mga biktima.
