Ginaduso ni Bacolod City Lone District Congressman Albee Benitez ang pagdula sang sugar traders.
Ini bangud isa sa ginalantaw nga nagapanguna nga rason sang pagnubo sang presyo sang kalamay sa probinsya sang Negros Occidental amo ang importasyon.
Suno kay Benitez, halos tanan nga supply ang nagaagi sa sugar traders antes makalab-ot sa mga konsumidor.
Suno diri, base sa ginpatigayon nga survey sa pila ka sugar planters kag mga asosasyon, natukiban nga halos tanan nga kalamay ang ginabaligya sa traders.
Pahayag sini nga nagakinahanglan sang system flow agud makita kun diin nagaagi ang tanan nga kalamay.
Pahayag sini nga isa sa mga ginalantaw nga solusyon amo ang direkta nga pagbaligya sang planters sa konsumidor.
Magapatigayon ang kongresista sang hearing kaupod ang farmers, millers, traders, kag mga ahensya sang gobyerno agud diskusyon ang isa ka formula nga makahatag sang mas permanente nga solusyon sa problema sang sugar industry.
