Indi tanan nga mushrooms ang edible nga kaunon bangud ang iban sang mga ini ang poison kag nagatuga sang paglingin sang ulo kag pagkakita ukon pagkabati sang mga bagay nga wala naga-eksister ukon hallucinations.
Isa na diri ang Psilocybin mushrooms, ukon psilocybin-containing mushrooms ukon mas kilala nga magic mushrooms ang isa ka sahi sang hallucinogenic mushroom kag polyphyletic informal group sang fungi nga may yara sang prodrug psilocybin, nga sa tion nga kaunon ini ang mangin psychedelic psilocin.
Apang sa pungsod New Zealand, gin-aprubahan na ang paggamit sa psilocybin bilang bulong, isa ka hallucinogenic compound nga masami makit-an sa ginatawag nga “magic mushroom”.
Ginpahayag ni Deputy Prime Minister David Seymour nga ginhalugan na ang mga patakaran sa psilocybin agud nga magamit ini sa pagbulong sang pila ka mga sahi sang depression.
Paathag ni Seymour, indi gihapon aprubado nga bulong ang psilocybin apang ginhatagan sang otoridad ang isa ka highly experienced nga psychiatrist nga magreseta sini sa mga pasyente nga may treatment-resistant depression.
Suno pa sa deputy prime minister sang New Zealand, magapanghugot man sila sa mga pagsulundan para sa pagreseta sang bulong sa diin ang mga psychiatrist lang nga involved sa mga clinical trial ang pahanugutan sini kag dapat nga hugot nila nga i-report ang paggamit sini.
Ang mga party drug kaangay sang MDMA ukon ecstasy kag magic mushroom ang ginagamit sa mga mainstream medical setting, nga nagabulig sa pagbulong sa post-traumatic stress disorder kag depression.
