Nagapati ang General Alliance of Workers Association (GAWA) nga nagakadapat lang nga painan sang pondo sang gobyerno ang mga middle class workers nga empleyado sang magagmay nga mga negosyante sa tunga sang COVID 19 crisis.
Nahibaluan nga ang Pilipinas ang nagaplano sang P51 billion nga aid package para sa mga middle class workers, magluwas sa 205 billion pesos nga financial aid para sa low-income families.
Ini nga programa ang magahatag sang wage subsidy sa mga small business.
Suno sa pahayag ni Finance Undersecretary Karl Chua, kinahanglan nga buligan ang mga middle class bangud isa ang mga ini sa gusto nga buligan sang presidente, santo man sa speech sini sang tinalikdan nga adlaw.
Ang bulig ang igadirekta sa mga negosyo nga gintumod sang ahensya kaangay sang Bureau of Internal Revenue kag Social Security System.
Gincategorize sa middle class ang mga tawo nga may yara sang monthly family income nga P19,040 tubtob P114,240 kun basehan ang sa 2017 prices.
Sa interview sang Bombo Radyo Bacolod kay GAWA secretary-general Wennie Sancho, ginpahayag sini nga nagakadapat lang nga painan sang gobyerno ang mga middle class workers bangud indi man sila makagwa sa tagsa ka panimalay bangud sa ginapatuman nga Enhanced Community Quarantine (ECQ).
Suno kay Sancho, maayo ini nga tikang bangud indi tanan nga mga nagatrabaho nga ang may yara sang sinuptan.
