Arestado ang isa ka sikat nga self-produced OPM rapper sa ginpatigayon nga Oplan Paglalansag Omega sang Philippine National Police – Criminal Investigation and Detection Group (CIDG) sa Barangay Laging Handa, Diliman, Quezon City kahapon, Abril 16.
Gindakop si Gabriel Abilla ukon mas kilala sa pangalan nga Hev Abi kaupod ang anum pa gid ka indibidwal sa paglapas sa Comprehensive Firearms and Ammunition Regulation Act kag Comprehensive Dangerous Drugs Act of 2002.
Narekober sang CIDG ang indi lisensyado nga mga armas, kag mga ginapatihan iligal nga droga.
Si Hev Abi ang nakakuha sang popularity sa iya mga kanta sadto pa lang sang naga-umpisa ini sa industriya sang musika sang 2020.
Lakip sa mga nagsikat niya nga kanta amo ang “Alam Mo Ba Girl” kag “Lil Kasalanan Shortie”.
Nangin top local artist ini sa Spotify kag masami man nga nagapanguna ang iya mga kanta sa Billboard Philippines, kag The Official Philippines Chart sang 2025.
