Ginakwestyon sa karun sang presidente sang Bacolod City Public School Teacher’s Federation (BCPSTF) ngaa kinahanglan pa hulaton ang resulta sang pagtuon sang World Bank antes pasakaan sang sweldo sang mga manunudlo.
Sa interview sang Bombo Radyo Bacolod kay Richard Gelangre, ang World Bank ang isa ka lending institution ang madugay na nga nagakontrolar sa edukasyon sang Pilipinas agud makapadala sang skilled Overseas Filipino Workers sa ila nga institution.
Suno kay Gelangre, wala man sila nakahibalo kun liwat nga magahulam liwat ang Pilipinas para sa matatag curriculum.
Suno diri, nagalain man ang ila nga buot bangud mismo si Vice President Sara Duterte ang nagpahayag nga ang pagimbestigar sang International Criminal Court sa kaso sini kag sang iya amay ang foreign intervention, apang ngaa ang World Bank mahimo nga magtuon sa sitwasyon sang mga manunudlo antes ipasakaan ang sweldo.
Dugang pa sini, paano kun maghambal ang World Bank nga indi lang anay pagpasakaan ang sweldo apang ang matuod nga sitwasyon sang mga manunudlo ang kinahanglanon nagid ang salary increase.
Suno diri, dapat ang gobyerno na mismo ang magtuon agud mahibaluan ang matuod nga sitwasyon sang mga manunudlo sa Pilipinas sangsa ang foreign lending institution pa antes ipasakaan ang sweldo sang mga ini.
