Pagpagwa sang SALN, estoryahan pa sang mga gabinete sang Marcos Administration

Natalana nga magpatigayon sang meeting ang mga miyembro sang Gabinete sang Marcos administrasyon agud istoryahan ang posible nga pagpakita sa publiko sang ila Statement of Assets, Liabilities, and Net-worth (SALN).

Ini kasunod sang mga inisyatibo sang pila ka mga kongresista kag senador nga ipublicize ang kopya sang ila mga SALN.

Suno kay Palace Press Officer Usec. Claire Castro, subong nga adlaw natalana ang nasambit nga meeting sang mga Cabinet officials.

Wala naman ginpahayag ni Castro kun nalakip si President Ferdinand Marcos Jr. sa nasambit nga meeting.

Subong nga adlaw natalana nga magbiya sa pungsod ang Presidente padulong sa Malaysia agud magtambong sa Association of Southeast Asian Nations (ASEAN).