Ginkalipay sang mga silaynon ang paggamit sang libre nga stationary bike nga gintukod sa Silay City Public Plaza.
Sa interview sang Bombo Radyo kay Silay City Mayor Joedith Gallego, ang stationary bike ang bulig para sa mga luyag nga mag exercise ilabi na sa may mataas nga blood sugar ukon nagasuprer sang diabetes.
Ini man ang nagabulig indi lamang pampatulo sang balhas kag pampabakod sang tuhod.
Suno diri, bisan ang mga nagazumba kun aga ang nagatry man maggamit sang stationary bike.
Kag mapa bata kag tigulang, naga-enjoy sa paggamit sang bike.
Ang bike ang ginbakal gamit ang budget sang ciudad, kag sa karun may yara pa lamang sang 16 ka bike apang plano pa nga dugangan ini kag dugangan man sang iban pa gid nga exercise equipments.
Samtang, nagpangagda naman ang alkalde sang ciudad sa nagahilapit nga Charter Day sang Silay, humalin sa Hunyo 1 tubtob sa Hunyo 12.
