Pagpamuno sang ASEAN 2027, ginhatag kay Singapore Prime Minister Lawrence Wong
-- ADVERTISEMENT --

Pormal na nga ginbaton sang Singapore ang chairship sa Association of Southeast Asian Nations (ASEAN) para sa 2027 sa closing ceremony sang ASEAN Summit and Related Summits 2026.

Sa iya nga mensahe, ginpanginbulahan ni Singapore Prime Minister Lawrence Wong ang Pilipinas, sa idalom sang pagmuno ni President Ferdinand Marcos Jr., sa madinalag-on nga pagserbe sini bilang ASEAN Chair subong nga tuig.

Ginpahayag niya nga apisar nagpangatubang ang bug-os nga rehiyon sang nagkalain-lain nga kabudlayan, nagpabilin nga naghiusa ang ASEAN sa pagpanguna sang Pilipinas.

Ginhatagan man sini pagtamod ang tema nga Deeper Integration kag Wider Partnership nga tuyo pabaskugon ang integrasyon kag pagbinuligya sang mga pungsod nga katapo sang ASEAN, kag iban pa nga kaalyado sa bug-os nga kalibutan agud mas mapasanyog pa ang oportunidad, mapabilin ang kalinong, kag mas mangin mapag-on ang rehiyon sang Southeast Asia.