Ginpahanumdom sang Top 10 sa 2022 Philippine Nurse Licensure Examination nga dako ang importansya sang pagpangamuyo kag preparasyon sa pagkuha sang Board Exam.
Suno kay Lourdelyn Mae Luga, ang 2022 Philippine Nurse Licensure Examination ang ginpatigayon sang Nobyembre 12 tubtob 13.// Paathag sini nga ang iya lamang nga goal amo ang makapasar gani wala sini ginapressure ang kaugalingon.// Bangod sini, siya ang wala man naglaom nga mangin Top 10 sa pasinawan.
Suno kay Luga sa 72 tanan nga mga naggradwar sa Colegio San Agustin – Bacolod, 70 sa ila ang nakapasar kag tatlo ang top notcher.
Ini ang ginalakipan niya nga Top 10 kag nanday John Philip Rollo kag Richard Raphael dela Cruz, nga lunsay nagtop 9.
Ginakabig naman sini nga bentaha sang ila eskwelahan amo ang mga clinical instructors nga may experience kag knowlegable gid sa patag magluwas pa sa virtual lab kun sa diin mahimo nila masimulate ang operation kag pagtrabaho sa delivery room nga nagahanas sa ila antes pa magduty sa ospital.
Si Luga ang naggradwar man nga Cum Laude sa nasambit nga eskwelahan.
Apang paathag sini nga siya ang wala sang study habit kag indi sa tanan nga tion siya ang nagatuon.
Suno diri ginamintinar lamang niya nga makapabilin sa deans list apang wala ginpressure ang kaugalingon nga mamintinar ang pwesto sa ibabaw.
Paathag sini nga ang sekreto sa pagmadinalag-on sang pagkuha sang board exam amo ang pangamuyo kag preparasyon.
Paathag ni Luga nga dapat temprano pa magreview kag maghuman ang goal nga amo ang tinguhaan nga malab-ot.
Aminado man ini nga tuman ka lapad sang coverage sang Philippine Nurse Licensure Examination gani aminado ini nga indi tanan nga topiko ang iya matun-an gani antes paman ginabatun na sini sa kaugalingon ano man ang mangin resulta sang pasinawan.
Ginapasalamatan man sini sang dako ang natun-an sa review center bangod ini ang nakabulig gid agud nga sila ang makapasar.
Pahanumdom ni Luga sa mga estudyante nga ang apat ka tuig nga pagtuon sa Nursing ang pundasyon na sa pagkuha sang board exam gani dapat nakafocus sa ginatun-an nga lessons.
Suno diri, ang una sini nga kurso nga luyag kuhaon amo ang Medical Technologist apang siya ang gin-engganyo sang ginikanan nga lunsay mga engineers nga magkuha sang nursing ilabi na nga siya ang may mga pakaisa kag tiya man nga nurse sa abroad.
Aminado ini nga siya ang anay nagplano man nga magproceed sa pagkadoktor kag pre med lamang sini ang nursing.
Sa pihak nga bahin, wala man ini sang ginhinulsulan apisar nga indi first choice nga kurso ang nursing bangod malipay na ini sa bisan ano nga kurso basta may kaangtanan sa health care services.
