Ginkondenar sang Secretary General sang General Alliance of Workers Association (GAWA) ang pagpasaka sang contribution rate sang Social Security System.
Ang state-run social insurance kag pension fund ang nagsugod sa pagpatuman sang 15 percent nga contribution rate sa mga myembro sini sa pag-umpisa sang tuig.
Ini ang nagsaka nagikan sa 14 percent rate nagikan sa nagligad nga tuig.
Sa interview sang Bombo Radyo kay Wennie Sancho, dapat nga gin-evaluate sang SSS ang mangin impact sini sa mga members.
Suno dapat nga nagpatigayon sang public concultation agud ma-analyze ang financila kag economic impact sa mga beneficiaries.
Suno pa kay Sancho, kulang na ang income nga ginabaton sang pumuluyo apang buhinan pa gid sa karun nga makatuga sang kabudlayan sa mga sa tawo sa pagpangita sang ila pang-adlaw adlaw nga kinahanglanon.
Dugang pa sini, dapat man nga may accountability kun diin makadto ang makolekta nga kwarta.
